eGovernment
e-Government သတင်းများ
သတင်းအချက်အလက်နည်းပညာနှင့် ဆိုက်ဘာလုံခြုံရေး ဦးစီးဌာန
၂၀၂၅ ခုနှစ် ၊ ဇန်နဝါရီလ ၊ ( ၉ ) ရက်
Myanmar e-Governance Master Plan (2030)သတင်းအချက်အလက်နည်းပညာနှင့် ဆိုက်ဘာလုံခြုံရေး ဦးစီးဌာန
သတင်းအချက်အလက်နည်းပညာနှင့် ဆိုက်ဘာလုံခြုံရေး ဦးစီးဌာန
e-Government ဌာနမှ လက်ရှိဆောင်ရွက်နေသောစီမံကိန်း/လုပ်ငန်းများ
မြန်မာနိုင်ငံတွင် e-Government စနစ်ဖွံ့ဖြိုးတိုးတက်လာစေရေးအတွက် အစိုးရအဖွဲ့အစည်းများနှင့် ပြည်ထောင်စုဝန်ကြီး ဌာနများအသီးသီးမှ ပါဝင်ကြိုးပမ်းဆောင်ရွက်ရာတွင် ပို့ဆောင်ရေးနှင့် ဆက်သွယ်ရေးဝန်ကြီးဌာနသည် Focal Ministry အဖြစ် တာဝန်ယူဆောင်ရွက်လျက်ရှိသည်နှင့်အညီ သတင်းအချက်အလက်နည်းပညာနှင့်ဆိုက်ဘာလုံခြုံရေးဦးစီးဌာန၊ e-Government ဌာနသည် နိုင်ငံတော်၏ e-Government စနစ် အောင်မြင်စွာ အကောင်အထည်ဖော်ဆောင်နိုင်ရန်နှင့် ဖွံ့ဖြိုး တိုးတက်လာစေရန် ကြိုးပမ်းဆောင်ရွက်လျက်ရှိပါသည်။
မြန်မာနိုင်ငံရှိ အစိုးရအဖွဲ့အစည်းအသီးသီးတို့၏ e-Government လုပ်ငန်းစဉ် အကောင်အထည်ဖော်ဆောင်မှုများအတွက် အဓိကလိုအပ်သော −
(က) ICT Infrastructure များ တည်ဆောက်ဝန်ဆောင်မှုပေးခြင်း၊ (Network, Data Centers, IACs, etc.,)
(ခ ) Common Application များ တည်ဆောက်ဝန်ဆောင်မှုပေးခြင်း၊(e-Mail, EDMS,GPMS)
(ဂ ) နည်းပညာအထောက်အပံ့ပေးခြင်း၊ အကြံပြုခြင်းနှင့် Capacity Building လုပ်ငန်းများ ဆောင်ရွက်ခြင်း
(ဃ) အပြည်ပြည်ဆိုင်ရာ အဖွဲ့အစည်းများနှင့်ပူးပေါင်း၍ e-Government ဖွံ့ဖြိုးတိုးတက်ရေး လုပ်ငန်းများ ဆောင်ရွက်ခြင်း
(င) ဝန်ကြီးဌာနများမှ ဆောင်ရွက်လျက်ရှိသော e-Government လုပ်ငန်းစဉ်များအား လေ့လာဆန်းစစ်အကဲဖြတ်ခြင်းလုပ်ငန်းများအား ဆောင်ရွက်လျက်ရှိပါသည်။
(က) ICT Infrastructure
e-Government ဖွံ့ဖြိုးတိုးတက်ရေးအတွက် ပို့ဆောင်ရေးနှင့် ဆက်သွယ်ရေးဝန်ကြီးဌာနသည် အောက်ဖော်ပြပါ ICT Infrastructure များကို တည်ဆောက်ဝန်ဆောင်မှု ပေးလျက်ရှိပါသည်−
(၁) Government Video Conferencing System/Network
(၂) Data Center
(၄) Government Cloud Service
(၄) e-Government Integrated Data Center (eGIDC) တည်ဆောက်ခြင်းစီမံကိန်း
(၅) Information Access Center (IAC)
Government Video Conferencing System/Network
နေပြည်တော်ရှိ အစိုးရဌာနများနှင့် ပြည်နယ်တိုင်းဒေသကြီးရှိ အစိုးရအဖွဲ့အစည်းများအကြား online အသုံးပြုပြီး အစည်းအဝေးများပြုလုပ်နိုင်ရန်ရည်ရွယ်၍ Video Conferencing System/Network အား တည်ဆောက်ထားရှိပေးခဲ့ပြီး တာဝန်ယူ ပြုပြင်ထိန်းသိမ်းခြင်း၊ သီးသန့် Video Conference Room များ တည်ဆောက်ပေးခြင်း၊ Point to Multi Point Conferencing ပြုလုပ်နိုင်ရန် ချိတ်ဆက်ပေးခြင်း၊ နည်းပညာဆိုင်ရာများ ပံ့ပိုးကူညီဆောင်ရွက်ပေးခြင်းလုပ်ငန်းများအား ဆောင်ရွက်လျက်ရှိပါသည်။
Data Center
နေပြည်တော်၊ S12 အိတ်ချိန်း အဆောက်အဦတွင် တည်ရှိသည့် e-Government Data Center တွင် e-Government Common Applications စနစ်များအား ဝန်ဆောင်မှုပေးခြင်းနှင့် Server Co-location ဝန်ဆောင်မှုပေးခြင်းတို့ကို ဆောင်ရွက်ပေးလျက်ရှိပါသည်။ အစိုးရဌာနအသီးသီးမှ အကောင်အထည် ဖော်ဆောင်ရွက်လျက်ရှိသော e-Government လုပ်ငန်းစဉ်များအား ချိတ်ဆက်အသုံးပြုနိုင်ရန်နှင့် အစိုးရဗဟိုရုံးများနှင့် ဝန်ကြီးဌာနအသီးသီးမှ e-mail, Electronic Document Management System (EDMS), Government Personnel Management System (GPMS), Civil Service ID Management System (CSMS), Myanmar National Portal, Video Conferencing အစရှိသည့် Common Application များအား ချိတ်ဆက်အသုံးပြုနိုင်ရန် ရည်ရွယ်ပါသည်။
Data Center တွင် Fully Redundant Network, Electricity, Security (Firewall, CCTV, NVR, Access Control), Precision Cooling, Fire Fighting, Real-Time Monitoring စသည့် Facility များအား ၂၄ နာရီ ၇ ရက် (24/7) ဝန်ဆောင်မှု ပေးအပ်လျက်ရှိပါသည်။ ဤ Facilities များအား မျှဝေ အသုံးပြုသွားခြင်းအားဖြင့် အစိုးရဌာနများမှ Data Center များ သီးခြားစီ တည်ဆောက်အသုံးပြုခြင်းအားဖြင့် တွေ့ကြုံလာရမည့် ငွေကြေးနှင့် ကျွမ်းကျင်ဝန်ထမ်းလိုအပ်ချက်၊ စီမံခန့်ခွဲမှုစသည့် အခက်အခဲများအား ကျော်လွားနိုင်မည့်အပြင် တစ်စုတစ်ဝေးတည်း စီမံခန့်ခွဲနိုင်ခြင်း၊ နိုင်ငံတော်၏ဘဏ္ဍာငွေ အသုံးပြုမှုလျော့ချနိုင်ခြင်း၊ လုံခြုံမှုပိုမိုကောင်းမွန်ခြင်းစသည့် အကျိုးကျေးဇူးများရရှိနိုင်မည် ဖြစ်ပါသည်။
Colocation Service
အစိုးရအဖွဲ့အစည်းများ၏ နည်းပညာ၊ လူ့စွမ်းအားအရင်းအမြစ်၊ ဆိုက်ဘာလုံခြုံရေးစသည့် လိုအပ်ချက်များကို ဖြည့်ဆည်းပေးနိုင်ရန်၊ Online ပြည်သူ့ဝန်ဆောင်မှုများအား စွမ်းဆောင်ရည်မြင့်မားစွာ ဖြန့်ဖြူးပေးသွားနိုင်စေရန် ရည်ရွယ်၍ e-Government Data Center အား သတင်းအချက်အလက်နည်းပညာနှင့် ဆိုက်ဘာလုံခြုံရေးဦးစီးဌာန၊ e-Government ဌာန၊ နေပြည်တော်တွင် တည်ဆောက်ခဲ့ပြီး Co-Location ဝန်ဆောင်မှုများ ပေးအပ်လျက်ရှိပါသည်။ အစိုးရဌာနများ၏ Server နှင့် IT equipment များအား ထားရှိနိုင်ရန်အတွက် Colocation services အား သက်သာသော ဝန်ဆောင်ခနှုန်းထားများဖြင့် ဝန်ဆောင်မှုပေးလျက်ရှိပါသည်။ ရရှိနိုင်သော ဝန်ဆောင်မှုများမှာ Rack Rental (half rack, full rack, share rack) တို့ဖြစ်ပါသည်။
Server Co-Location ဝန်ဆောင်မှုအတွက် လစဉ်ကောက်ခံသည့် နှုန်းထားများမှာ 1 U အတွက် ၁၅,၀၀၀ ကျပ်၊ 6 U အတွက် ၉၀,၀၀၀ ကျပ်၊ 21 U အတွက် ၃၀၀,၀၀၀ ကျပ်နှင့် 42 U အသုံးပြုပါက လစဉ်ကြေး ၅၅၀,၀၀၀ ကျပ် အသီးသီး ကျသင့်မည်ဖြစ်ပါသည်။
Government Cloud Service
အစိုးရဌာနများမှ e-Government လုပ်ငန်းစဉ်များအား အကောင်အထည်ဖော် ဆောင်ရွက်ရာတွင် Hardware အသုံးပြုမှုများအား လျော့ချနိုင်ရန်နှင့် ခေတ်မီနည်းပညာများ (Cloud, VM) အား အသုံးပြုနိုင်ရန် ရည်ရွယ်၍ ဝန်ဆောင်မှုပေးလျက်ရှိပါသည်။
အစိုးရဌာနများသည် ယခုကဲ့သို့ Government Cloud Service တွင် လာရောက်ထားရှိခြင်းအားဖြင့် Website များ လွှင့်တင်ရာ၌သော်လည်းကောင်း ၊ Online Service များ ဝန်ဆောင်မှုပေးရာ၌သော်လည်းကောင်း အသုံးပြုရန်လိုအပ်သည့် Hardware များ (ဥပမာ - Server, Switch, Firewall နှင့် Network Accessories အစရှိသည့် စက်ပစ္စည်းများ) ကို ဝယ်ယူတပ်ဆင်ရန် မလိုအပ်တော့သည့်အတွက် ရန်ပုံငွေသုံးစွဲမှု လျှော့ချနိုင်ခြင်း၊ အချိန်တိုအတွင်း လျင်မြန်စွာ အသုံးပြုနိုင်ခြင်းနှင့် သတင်းအချက်အလက်များကို လုံခြုံစိတ်ချစွာ သိမ်းဆည်းထားရှိနိုင်ခြင်း စသည့် အကျိုးကျေးဇူးများစွာ ရရှိနိုင်မည်ဖြစ်ပါသည်။
e-Government လုပ်ငန်းစဉ်များအား အထောက်အကူပြုပေးနိုင်ရန် ရည်ရွယ်၍ ဆောင်ရွက်ခဲ့ခြင်းဖြစ်ပါသောကြောင့် သက်သာသော ဝန်ဆောင်ခနှုန်းထားများဖြင့် အစိုးရအဖွဲ့အစည်းများသို့ ဝန်ဆောင်မှုပေးလျက်ရှိပါသည်။ Government Cloud Service စနစ်တွင် ကောက်ခံလျက်ရှိသော ဝန်ဆောင်မှု နှုန်းထားများအား အောက်ပါအတိုင်း ဖော်ပြအပ်ပါသည်။
Government Private Cloud (Hosting) ဝန်ဆောင်မှု၏ ကောက်ခံမည့် ဝန်ဆောင်ခ (လစဉ်ကြေး)
မှတ်ချက်။ အသုံးပြုလိုသည့် Stroage ပမာဏပေါ်မူတည်၍ 1GB လျှင် (HDD - ၂၅ ကျပ် နှင့် SSD - ၁၀၀ ကျပ်) နှုန်းထားများအား ပေါင်းထည့်၍ ကောက်ခံသွားမည် ဖြစ်ပါသည်။
Government Cloud Service Solid State Storage (SSD) , Virtual Machine (VM) Firewall နှင့် Virtual Private Network (VPN) ဝန်ဆောင်မှု၏ ကောက်ခံမည့် ဝန်ဆောင်ခ (လစဉ်ကြေး)
e-Government Integrated Data Center (eGIDC) တည်ဆောက်ခြင်းစီမံကိန်း
မြန်မာနိုင်ငံတွင် e-Government လုပ်ငန်းစဉ်များအား အရှိန်အဟုန်မြှင့် ဆောင်ရွက်လာသည်နှင့်အညီ အစိုးရဌာနများ/ဒေသများအလိုက် Data Center ငယ်များ သီးခြားစီ တည်ဆောက်အသုံးပြုကြမည့်အစား အစိုးရဌာနများအားလုံး စုစည်းမျှဝေအသုံးပြုနိုင်ရန် ရည်ရွယ်၍ ပထမဆုံး နိုင်ငံတော်အဆင့် (National Data Center) တစ်ခုဖြစ်သော e-Government Integrated Data Center (eGIDC) တည်ဆောက်ခြင်းစီမံကိန်းအား ကိုရီးယားသမ္မတနိုင်ငံ၊ Economic Development Cooperation Fund (EDCF) ချေးငွေဖြင့် အကောင်အထည်ဖော် ဆောင်ရွက်လျက်ရှိပါသည်။ eGIDC ပင်မအဆောက်အဦအား နေပြည်တော် တွင် တည်ဆောက်မည်ဖြစ်ပြီး Disaster Recovery Center (DRC) အား ရန်ကုန်တိုင်း ဒေသကြီး၊ သန်လျင်မြို့တွင် တည်ဆောက်သွားမည်ဖြစ်ပါသည်။ eGIDC တွင် Rack (၅၀၀)၊ DRC တွင် Rack (၁၀၀) ထားရှိသွားနိုင်မည်ဖြစ်ပါသည်။ စီမံကိန်းပြီးစီးပါက ဤ Data Center မှ Co-location Service ၊ Cloud Services(Iaas and PaaS)၊ Government Service Network နှင့် Disaster Recovery Service စသည့် ဝန်ဆောင်မှုများအား ဆောင်ရွက်ပေးသွားမည် ဖြစ်ပါသည်။
ရည်ရွယ်ချက်
(က) e-Government လုပ်ငန်းစဉ်များအား အစိုးရဌာနများအလိုက် သီးခြားစီ အကောင်အထည်ဖော်ဆောင်နေသည့်အဆင့်မှ အမျိုးသားအဆင့်သို့ ဟန်ချက်ညီညီပေါင်းစပ်အဆင့်မြှင့်တင်၍ နိုင်ငံသားများအား ပိုမိုကောင်းမွန်သော Online ဝန်ဆောင်မှုများပေးရန်။
(ခ) e-Government ဝန်ဆောင်မှုနှင့်လုပ်ငန်းစဉ်များ တစ်နေရာတည်းတွင် စုစည်းထားရှိခြင်းအားဖြင့် အစိုးရ၏ စီမံခန့်ခွဲအုပ်ချုပ်မှုလုပ်ငန်းစဉ်များ စွမ်းဆောင်ရည် ပိုမိုမြင့်မားလာစေရန်။
(ဂ) ICT Infrastructure များ၊ Computing Resources များအား တည်ဆောက်မျှဝေ အသုံးပြုသွားရန်။
(ဃ) e-Government ၏ ရည်မှန်းသည့်ပန်းတိုင်သို့ အစိုးရဌာနများမှ တူညီသောလမ်းကြောင်း (Unifying Platform) မှ လျှောက်လှမ်းရန်။
(င) အစိုးရ၏ ကိုယ်ပိုင် Government Cloud အားတည်ဆောက်သွားရန်။
အကျိုးကျေးဇူး
- Tier 3 အဆင့် တည်ဆောက်မည်ဖြစ်ပါသဖြင့် ၂၄ နာရီ ၇ ရက် ဝန်ဆောင်မှုပေးနိုင်ခြင်း။
- အချိန်နှင့်ရင်းနှီးမြှုပ်နှံမှု ကုန်ကျစရိတ် များစွာသက်သာစေခြင်း။
- အရေးကြီးသတင်းအချက်အလက်များအား ပြည်တွင်း၌ ထားရှိနိုင်ပါသဖြင့် လုံခြုံမှုကျိုးပေါက်ခြင်းမှ ကာကွယ်ပေးနိုင်ပြီး ပြည်ပနိုင်ငံများသို့ပေးချေနေရသော ကုန်ကျစရိတ်များအား လျော့ချနိုင်ခြင်း။
- Cloud Computing Technologies အား အသုံးပြုခြင်းဖြင့် Hardware အသုံးပြုမှုများ လျော့ချ နိုင်ပြီး ဘဏ္ဍာငွေအသုံးပြုမှု လျော့ချနိုင်ခြင်း။
- Disaster Recovery စနစ် တည်ဆောက်ခြင်းအားဖြင့် သဘာဝဘေးအန္တရာယ်ကြောင့် အရေးကြီး သတင်းအချက်အလက်များ ပျက်စီးဆုံးရှုံးမှုမှ ကာကွယ်ပေးနိုင်ခြင်း။
- အစိုးရ၏ဝန်ဆောင်မှုမျက်နှာစာသစ် ဖွင့်လှစ်နိုင်ခြင်း။
Information Access Center (IAC)
မြန်မာနိုင်ငံတွင် e-Government ဖွံ့ဖြိုးတိုးတက်လာစေရန်အတွက် နိုင်ငံသားများ၏ ICT Awareness များ မြှင့်တင်နိုင်ရန်ရည်ရွယ်၍ ကိုရီးယားသမ္မတနိုင်ငံ၏ အထောက်အပံ့ဖြင့် နေပြည်တော်တွင် တည်ဆောက်ခဲ့ပါသည်။ အစိုးရဌာနများသို့ ICT နှင့် e-Government သင်တန်းများ ဖွင့်လှစ်ပို့ချပေးခြင်း၊ အစိုးရဌာနများမှ သင်တန်းများ ဖွင့်လှစ်နိုင်ရန် ဆောင်ရွက်ပေးခြင်းနှင့် ပြည်သူများ Internet အခမဲ့ အသုံးပြုနိုင်ရန် ဆောင်ရွက်ပေးခြင်း စသည့် ဝန်ဆောင်မှုပေးလျက်ရှိပါသည်။
လက်ရှိအချိန်တွင် ကိုဗစ်-၁၉ ကပ်ရောဂါနှင့် လတ်တလောဖြစ်ပေါ်နေသော အခြေအနေများ ကြောင့် Information Access Center (IAC) တွင် Internet အခမဲ့ ဝန်ဆောင်မှုပေးခြင်းများ ခေတ္တ ရပ်ဆိုင်းထားသော်လည်း One Map Myanmar စီမံကိန်း၏ Web Development Team သည် IAC Facilities ကို အသုံးပြု၍ စီမံကိန်းလုပ်ငန်းများကို ဆောင်ရွက်လျက် ရှိပါသည်။
(ခ) Common Application
အစိုးရအဖွဲ့အစည်းများအကြား သဘောသဘာဝတူညီသည့် လုပ်ငန်းများအား စုစည်းပေါင်းစပ်၍ မျှဝေအသုံးပြုနိုင်ရန် အောက်ပါ Common Application များကို ဆောင်ရွက်ဝန်ဆောင်မှု ပေးလျက်ရှိပါသည်−
(၁) Government Personnel Management System (GPMS)
(၂) Electronic Document Management System (EDMS)
(၃) e-mail
(၄) Ministry Website
(၅) Myanmar National Portal
Government Personnel Management System (GPMS)
အစိုးရဌာနဆိုင်ရာ အဖွဲ့အစည်းများ၏ ဝန်ထမ်းရေးရာ ကိစ္စရပ်များအား ဗဟိုရုံးများနှင့် ICT နည်းပညာ အသုံးပြု၍ ထိရောက်လျင်မြန်စွာ စီမံခန့်ခွဲနိုင်ရန် ရည်ရွယ်၍ ဆောင်ရွက်လျက်ရှိပါသည်။ Government Personal Management System (GPMS) စနစ်သည် အစိုးရဌာနဆိုင်ရာ အဖွဲ့အစည်းများ၏ ဝန်ထမ်း ရေးရာကိစ္စရပ်များအား IT နည်းပညာအသုံးပြု၍ ထိရောက်လျင်မြန်စွာ စီမံခန့်ခွဲနိုင်သော စနစ်တစ်ခု ဖြစ်ပါသည်။ ဤစနစ်တွင် ဝန်ထမ်းများ၏ ကိုယ်ရေးမှတ်တမ်း၊ ရာထူးခန့် အပ်မှုနှင့် တာဝန် ထမ်းဆောင်မှုသမိုင်း၊ ခွင့်မှတ်တမ်း၊ သင်တန်းဆိုင်ရာအချက်အလက်၊ ဝန်ထမ်းအကဲ ဖြတ်မှတ်တမ်းများ၊ ဝန်ထမ်းအင်အားနှင့် ဌာနဖွဲ့စည်းပုံများ အစရှိသည့် အချက်အလက်များကို သက်ဆိုင် ရာ Server များ အသီးသီးတွင် လုံခြုံစွာ ထည့်သွင်းသိမ်းဆည်းထားရှိပြီး မိမိလိုအပ်သည့် အခြေအနေနှင့် ကိုက်ညီမည့် အချက်အလက်၊ စာရင်းဇယား၊ အစီအရင်ခံစာများအား လွယ်ကူလျင်မြန် မှန်ကန် တိကျစွာ ရှာဖွေ ထုတ်ယူနိုင်သော စနစ်တစ်ခု ဖြစ်ပါသည်။
ဝန်ထမ်းရေးရာစီမံခန့်ခွဲမှုစနစ် (GPMS) ၏ အကျိုးသက်ရောက်မှုများ
- ဝန်ထမ်းရေးရာ စီမံခန့်ခွဲမှုများကို တိကျလျင်မြန်အကျိုးရှိစွာ အသုံးချနိုင်ခြင်း
- ကိုယ်ရေးမှတ်တမ်းအချက်အလက်များကို ကိုယ်တိုင် စီမံခန့်ခွဲနိုင်ခြင်း
- လိုအပ်ချက်နှင့်အညီ သင့်လျော်သော ဝန်ထမ်းများအား တာဝန်ပေးအပ်နိုင်ခြင်း
- ဝန်ထမ်းရေးရာစီမံခန့်ခွဲမှုများ ဆုံးဖြတ်ချက်ချရာတွင် အထောက်အပံ့ပေးနိုင်ခြင်း
- ဝန်ထမ်းရေးရာ အချက်အလက်များ သိမ်းဆည်းရာတွင် လုံခြုံမှုရှိခြင်း၊
Electronic Document Management System (EDMS)
EDMS စနစ်သည် အစိုးရဌာနဆိုင်ရာ အဖွဲ့အစည်းများအချင်းချင်း စာပေးစာယူလုပ်ငန်းများ (e-Mail) နှင့် ဝန်ကြီးဌာနအတွင်း ဌာနဆိုင်ရာရုံးလုပ်ငန်းများ (Workflow) အား Online အသုံးပြု၍ ဆောင်ရွက်သွားနိုင်ရန် တည်ဆောက်ထားရှိသည့် စနစ်တစ်ခုဖြစ်ပါသည်။ Document management (create, register, send/receive, comment/instruction, read/edit, and enclose) အပါအဝင် ရုံးလုပ်ငန်းများကို ထိရောက်စွာနှင့် လွယ်ကူလျင်မြန်စွာ စီမံခန့်ခွဲနိုင်ရန် ရည်ရွယ်၍ ဆောင်ရွက်လျက် ရှိပါသည်။
EDMS ၏ အကျိုးသက်ရောက်မှုများ
- ဝန်ကြီးဌာနများအချင်းချင်း e-Mail များ ပေးပို့/ရယူနိုင်ပြီး Encryption အသုံးပြု ထားပါသဖြင့် ကြားဖြတ်ရယူခြင်း၊ ပြင်ဆင်ခြင်း၊ ဖတ်ရှုခြင်း၊ ဖျက်ဆီးခြင်းများ ပြုလုပ်၍ မရအောင် ဆောင်ရွက်ထားရှိခြင်း၊
- ဌာနဆိုင်ရာရုံးလုပ်ငန်းများဆောင်ရွက်ရာတွင် စာရွက်စာတမ်းများအား Electronic Document များအဖြစ်သို့ အသွင်ပြောင်းလဲ၍ မှတ်ပုံတင်ခြင်း၊ ရုံးတွင်းစာများ ပြုစုတင်ပြခြင်း၊ မှတ်ချက်ပြုခြင်း အစရှိသည့် Work Flow များအား Online အသုံးပြု၍ လုပ်ဆောင်သွားနိုင်သောကြောင့် ထိရောက်၊ လွယ်ကူလျင်မြန်စွာ စီမံခန့်ခွဲနိုင်ခြင်း၊
- အင်တာနက်ရရှိသော မည်သည့်နေရာမှမဆို ရုံးလုပ်ငန်းများအား လုပ်ဆောင်နိုင် သဖြင့် အစိုးရ၏လုပ်ငန်းစဉ်များအား အချိန်တိုအတွင်း လွယ်ကူလျင်မြန်စွာ ဆောင်ရွက်သွားနိုင်ခြင်း။
အစိုးရဗဟိုရုံးများနှင့် ဝန်ကြီးဌာနများအားလုံးမှ အသုံးပြုနိုင်ရန် ဝန်ဆောင်မှုပေးလျက်ရှိသော e-Mail စနစ်အား encryption ပြုလုပ်၍ အစိုးရအဖွဲ့အစည်းများမှ လုံခြုံကောင်းမွန်စွာ အသုံးပြုနိုင်ရန် တာဝန်ယူ ဝန်ဆောင်မှုပေးလျက်ရှိပါသည်။ ထို့အပြင် အစိုးရအဖွဲ့အစည်း များမှ e-Mail attachment များ ပေးပို့ရာတွင် ပိုမိုအဆင်ပြေ ချောမွေ့စေရန်အတွက် Government Mail Drive စနစ်ကို ၂၂.၃.၂၀၂၄ ရက်နေ့မှစတင်၍ ဝန်ဆောင်မှုပေးလျက် ရှိပါသည်။
Ministry Website
ပို့ဆောင်ရေးနှင့်ဆက်သွယ်ရေးဝန်ကြီးဌာန လက်အောက်ရှိ ဦးစီးဌာန/လုပ်ငန်းအသီးသီးတို့မှ လွှင့်တင်ထားသည့် Website များအား စုစည်းပေါင်းစပ်၍ Ministry Web Portal တစ်ခုအဖြစ် တည်ဆောက်ခဲ့ခြင်းဖြစ်ပါသည်။ Ministry Web Portal (www.motc.gov.mm) တွင် ဌာနများအလိုက် သတင်းများ ရေးသားလွှင့်တင် နိုင်ရေးအတွက် သီးခြားအကောင့်များသတ်မှတ်ပေးထားပြီး မိမိတို့ဌာန၏ သတင်းအချက်အလက်များကို အချိန်နှင့်တစ်ပြေးညီ ကိုယ်တိုင်လွှင့်တင်သွားနိုင်ရေးအတွက် လိုအပ်သော နည်းပညာပိုင်းဆိုင်ရာ အထောက်အကူပြုလုပ်ငန်းများဆောင်ရွက်ပေးလျက်ရှိပါသည်။
Ministry Web Portal တွင် ဦးစီးဌာန (၁၈) ခုတို့မှ သတင်းအချက်အလက်များအား အချိန်နှင့်တစ်ပြေးညီ လွှင့်တင်ပေးလျက်ရှိပြီး လက်ရှိအချိန်အထိ Ministry Web Portal အား ဝင်ရောက် ကြည့်ရှုသူအရေအတွက် (၁၃) သိန်းကျော် ရှိပါသည်။
Myanmar National Portal
မြန်မာနိုင်ငံ၏ e-Government လုပ်ငန်းများ ဖွံ့ဖြိုးတိုးတက်လာစေရေးရည်ရွယ်၍ ပြည်သူလူထုမှ သိရှိလိုသော အချက်အလက်များဖြစ်သည့် အစိုးရအဖွဲ့အစည်းများ၏ ဝန်ဆောင်မှုများ၊ တင်ဒါများ၊ သတင်းအချက်အလက်များနှင့် ဝက်ဘ်ဆိုဒ်လိပ်စာများကို တစ်နေရာတည်းတွင် စုစည်း၍ ဖော်ပြပေးထားသော မြန်မာနိုင်ငံ၏ ပထမဦးဆုံး အမျိုးသားအဆင့် Myanmar National Portal ကို အင်တာနက် စာမျက်နှာ https://www.myanmar.gov.mm ဖြင့် ၂၀၁၈ ခုနှစ် သြဂုတ်လတွင် စတင်လွှင့်တင်ခဲ့ပါသည်။
Myanamr National Portal ကို အသုံးပြုခြင်းဖြင့် အရည်အသွေးမြင့်မားသော e-Government Online ဝန်ဆောင်မှုများအား အစိုးရရုံးဌာနများ၊ စီးပွားရေး အဖွဲ့အစည်းများနှင့် ပြည်သူများမှ ရိုးရှင်းလွယ်ကူစွာဖြင့် အချိန်၊ နေရာဒေသမရွေး အသုံးပြုနိုင်ပြီး အစိုးရ၏ သတင်းအချက်အလက်များ လျင်မြန်စွာစီးဆင်းနိုင်ခြင်း၊ အစိုးရ၏ ဝန်ဆောင်မှုများအား ပြည်သူလူထုမှ အချိန်နှင့် ငွေကြေးကုန်ကျစရိတ်များ သက်သာစွာ အသုံးပြုနိုင်ခြင်း စသည့် အကျိုးကျေးဇူးများစွာ ရရှိနိုင်မည် ဖြစ်ပါသည်။
ထို့အပြင် “Myanmar National Portal” Mobile Application ကိုလည်း Android နှင့် iOS Version နှစ်မျိုးဖြင့် Google Play Store ၊ Huawei AppGallery နှင့် Apple Store တို့တွင် လွှင့်တင်ထားပြီး ဖြစ်ပါသည်။
အဆိုပါ Mobile Application အား Android version အတွက် ဖော်ပြပါ လင့်ခ် https://rb.gy/hduik ၊ https://rb.gy/okbv4 နှင့် iOS version အတွက် https://rb.gy/zrx77 တို့တွင် Download ရယူအသုံးပြုနိုင်ပါသည်။
Myanmar National Portal တွင် အစိုးရအဖွဲ့အစည်းများမှ သတင်းအချက်အလက်များအား အချိန်နှင့်တစ်ပြေးညီ လွှင့်တင်ပေးလျက်ရှိပြီး လက်ရှိအချိန်အထိ Myanmar National Portal အား ပြည်သူများမှ ဝင်ရောက် ကြည့်ရှုသည့် အကြိမ်အရေအတွက် (၆၄) သန်းကျော် ရှိပါသည် ။ဝင်ရောက် ကြည့်ရှုသည့်စာမျက််နှာများအား အောက်ပါလင့်မှတစ်ဆင့် အသေးစိတ်ကြည့်ရှုနိုင်ပါသည်။
၂၀၂၅ ခုနှစ် ဇန်နဝါရီလအတွင်း ဝင်ရောက်ကြည့်ရှုသော ဝန်ဆောင်မှု ကဏ္ဍများ
၂၀၂၅ ခုနှစ်အတွင်း လအလိုက် ဝင်ရောက်ကြည့်ရှုသော စာမျက်နှာများ
(ဂ) e-Governance Master Plan ရေးဆွဲခြင်း
နိုင်ငံတော်၏အုပ်ချုပ်ရေး၊ လူမှုရေး၊ စီးပွားရေးအခြေအနေများ ပြောင်းလဲတိုးတက်ဖြစ်ပေါ်မှု၊ ကမ္ဘာတစ်ဝန်း၌ လျင်မြန်စွာ ပြောင်းလဲတိုးတက်နေသည့် ဒီဂျစ်တယ်ရေစီးကြောင်းများ၊ ဒီဂျစ်တယ် နည်းပညာသစ်များနှင့်အတူ နောက်ကျကျန်ခြင်းမရှိဘဲ လိုက်ပါဆောင်ရွက်နိုင်စေရန်နှင့် Digital Government သို့ ဦးတည်ချဉ်းကပ်သွားနိုင်ရန်အတွက် ယခင် Myanmar e-Governance Master Plan (2016-2020) အား ပြင်ဆင်မွမ်းမံ၍ Myanmar e-Governance Master Plan (2030) အား ရေးဆွဲခဲ့ပါသည်။ ထို Master Plan မူကြမ်းကို အစိုးရအဖွဲ့အစည်းများအားလုံးနှင့် အများပြည်သူတို့၏ အကြံပြုချက်များ၊ သဘောထားမှတ်ချက်များရယူ၍ အပြီးသတ်ရေးဆွဲခဲ့ပြီး e-Government အကောင်အထည်ဖော်ရေးလုပ်ငန်းကော်မတီနှင့် e-Government ဦးဆောင်ကော်မတီသို့ တင်ပြခဲ့ပါသည်။ e-Government ဦးဆောင်ကော်မတီ၏ အတည်ပြုချက်အရ ၉-၁-၂၀၂၅ ရက်နေ့တွင် Myanmar e-Governance Master Plan (2030) အား အတည်ပြု ထုတ်ပြန်နိုင်ခဲ့ပါသည်။
(ဃ) e-Commerce လုပ်ငန်းများ ဆောင်ရွက်ခြင်း
e-Commerce Law (မူကြမ်း) ရေးဆွဲခြင်းလုပ်ငန်းအား စီးပွားရေးနှင့်ကူးသန်းရောင်း ဝယ်ရေးဝန်ကြီးဌာနနှင့် ပူးပေါင်းဆောင်ရွက်လျက်ရှိပါသည်။ ASEAN Economic Community (AEC) Blueprint 2025 ကို အကောင်အထည်ဖော်ဆောင်ရန် ဖွဲ့စည်းထားသည့် ASEAN Coordination Committee on e-Commerce and Digital Economy (ACCED) တွင် မြန်မာနိုင်ငံ၏ Lead Focal အဖြစ် တာဝန်ယူ၍ လုပ်ငန်းများအားဆောင်ရွက်လျက်ရှိပါသည်။
အာဆီယံနှင့် FTA နိုင်ငံများအကြား ပူးပေါင်းဆောင်ရွက်လျက်ရှိသော Regional Comprehensive Economic Partnership (RCEP) အစီအစဉ်၏ Working Group on e-Commerce (WGEC) ၌ မြန်မာနိုင်ငံ၏ Negotiator အဖြစ်လည်းကောင်း၊ အာဆီယံနှင့် ဩစတြေးလျ၊ နယူးဇီလန်နိုင်ငံများအကြား ပူးပေါင်းဆောင်ရွက်လျက်ရှိသော ASEAN-Australia-New Zealand Free Trade Area (AANZFTA) ၏ Committees on E-Commerce (CEC) တွင် Focal Point အဖြစ်လည်းကောင်း၊ အာဆီယံနှင့် ကနေဒါနိုင်ငံတို့အကြား ပူးပေါင်းဆောင်ရွက် လျက်ရှိသော ASEAN-Canada Free Trade Agreement (ACAFTA) ၏ Working Group on Electronic Commerce (WGEC) တွင် Focal Point အဖြစ်လည်းကောင်း၊ အာဆီယံနှင့် တရုတ်ပြည်သူ့သမ္မတနိုင်ငံတို့အကြား ပူးပေါင်းဆောင်ရွက်လျက်ရှိသော ASEAN-China Free Trade Agreement (ACFTA) ၏ Working Group on Digital Economy (WGDE) တွင် မြန်မာနိုင်ငံ၏ Country Lead အဖြစ်လည်းကောင်း တာဝန်ယူ၍ လုပ်ငန်းများဆောင်ရွက်လျက်ရှိပါသည်။
(င) Fourth Industrial Revolution (4IR) for ASEAN လုပ်ငန်းများဆောင်ရွက်ခြင်း
၂၀၁၇ ခုနှစ်တွင် ဖိလစ်ပိုင်နိုင်ငံ၊ မနီလာမြို့၌ ကျင်းပခဲ့သော ၃၀ ကြိမ်မြောက် ASEAN Summit တွင် အာဆီယံအဖွဲ့ဝင်နိုင်ငံခေါင်းဆောင်များက ဒေသတွင်း စီးပွားရေးတိုးတက်မှုကို အားပေးရန်နှင့် အားလုံးပါဝင်နိုင်ပြီး သာတူညီမျှသောစီးပွားရေး ဖွံ့ဖြိုးတိုးတက်မှုကို မြှင့်တင် ရန်တို့အတွက် Fourth Industrial Revolution (4IR) မှ အခွင့်အလမ်းများကို အကောင်းဆုံး အသုံးချရန်နှင့် ဒေသတွင်းလိုအပ်ချက်များကို ကြိုတင်ပြင်ဆင်ထားရန်လိုအပ်ကြောင်း အသိ အမှတ်ပြုခဲ့ကြပါသည်။
Covid 19 အလွန်ကာလများတွင် Digital Transformation ပိုမိုထွန်းကားလာသော ကြောင့် 4IR ကိုဦးတည်သည့် မဟာဗျူဟာရေးဆွဲရန် အလျင်အမြန် လိုအပ်လာပါသဖြင့် 4IR-related National Agencies of ASEAN Member States အား ၂၀၂၀ ပြည့်နှစ်တွင် ဖွဲ့စည်းခဲ့ ပါသည်။ ထို့နောက် “Consolidated Strategy on the Fourth Industrial Revolution (CS4IR) for ASEAN” ကို မြန်မာနိုင်ငံ၏ Focal ဌာနအနေဖြင့် အာဆီယံနိုင်ငံများနှင့် ပူးပေါင်း ၍ရေးဆွဲခဲ့ရာ ၂၀၂၁ ခုနှစ်တွင် အတည်ပြုထုတ်ပြန်ခဲ့ပါသည်။
ထိုမဟာဗျူဟာကို အကောင်အထည်ဖော်နိုင်ရန် “Implementation Plan of the Consolidated Strategy on the Fourth Industrial Revolution (CS4IR) for ASEAN” အား ၂၀၂၂ ခုနှစ်တွင် ဆက်လက်ရေးဆွဲခဲ့ပါသည်။ အဆိုပါ Implementation Plan တွင် ဦးစားပေး နယ်ပယ်များအလိုက် အကောင်အထည်ဖော်ဆောင်ရွက်ရမည့် ကနဦးလုပ်ငန်းစဉ်များပါဝင်ပါ သည်။
အဆိုပါ လုပ်ငန်းစဉ်များအပေါ် အဖွဲ့ဝင်နိုင်ငံအသီးသီးမှ အကောင်အထည်ဖော်ဆောင် နိုင်မှုအခြေအနေများကို စောင့်ကြည့်စစ်ဆေးရန်နှင့် တိုးတက်ပြောင်းလဲမှုများအား Joint Consultative Meeting (JCM) သို့ ပုံမှန် အစီရင်ခံတင်ပြရန်အတွက် ASEAN 4IR Task Force Group (4IR-TFG) ကို ၂၀၂၂ ခုနှစ်တွင် ဖွဲ့စည်းခဲ့ပြီး ထို Task Force Group တွင် မြန်မာနိုင်ငံ၏ Focal Point အဖြစ် တာဝန်ယူဆောင်ရွက်လျက်ရှိပါသည်။