၁၄-၂-၂၀၁၉ ရက်နေ့၊ နံနက်(၀၆၀၀)နာရီခန့်တွင် တပ်မတော်(ရေ)မှ ရေငုပ်နှင့် ဆယ်ယူရေး အဖွဲ့သည် မာန်အောင်ကျွန်းမှ ထွက်ခွာ၍ “ဆင်ပြောင်”ရေယာဉ်အမြုပ်နေရာသို့ သွားရောက်ကာ ရေငုပ်စစ်ဆေး ဆောင်ရွက်လျက် ရှိပါသည်။

၁၃.၂.၂၀၁၉ ရက်နေ့တွင် ရန်ကုန်မြို့မှ မော်တော်ယာဉ်ဖြင့် ထွက်ခွာလာသော မြန်မာ့ ဆိပ်ကမ်းအာဏာပိုင်မှအရာရှိတစ်ဦး ဦးစီးသည့် “ဆင်ပြောင်”ရေယာဉ်မှ ဝန်ထမ်းများ၏ မိသားစုဝင်များသည် မာန်အောင်မြို့သို့ ၁၄-၂-၂၀၁၉ ရက်နေ့၊ နံနက်ပိုင်းတွင် အဆင်ပြေ ချောမောစွာ ရောက်ရှိပြီး မာန်အောင်မြို့၊ မြို့နယ်ခန်းမတွင် နေထိုင်ရေးအတွက် စီစဉ် ထားရှိပါသည်။ ယနေ့ မွန်းလွဲပိုင်းတွင် ဆယ်ယူရရှိသော ဝန်ထမ်းများ၏ Dead Body များအား ဝန်ထမ်းမိသားစုများ လိုက်ပါ ပို့ဆောင်၍  မာန်အောင်မြို့ သုဿာန်၌ သင်္ဂြိုလ်မှုကိစ္စ ဆောင်ရွက်ခဲ့ပါသည်။

ပျောက်ဆုံးလျက်ရှိသည့် ရေယာဉ်ဝန်ထမ်းများအား ရှာဖွေကယ်ဆယ်ရေးအတွက် ဒေသခံ အဖွဲ့အစည်းများ၊ လူမှုအဖွဲ့အစည်းများ၊ တပ်မတော်ရေနှင့် မြန်မာ့ဆိပ်ကမ်းအာဏာပိုင်မှ တာဝန်ရှိ သူများဖြင့် ဆောင်ရွက်လျက်ရှိရာ ယနေ့ညနေပိုင်း၌ ဇီးတောရွာအနီးတွင် ဦးသန်းထိုက်၊ ပုဂ္ဂလိက အမှတ် (၆၅၇၂၉)၊ ဆီလောင်း၏ Dead Body အား ထပ်မံရှာဖွေတွေ့ရှိပါသည်။ ထို့ကြောင့် ၁၄.၂.၂၀၁၉ ရက်နေ့အထိ Dead Body (၁၁) ခု တွေ့ရှိထားပြီး (၈)ဦး ပျောက်ဆုံးလျက်ရှိပါသည်။

၁၁-၂-၂၀၁၉  ရက်နေ့တွင် မာန်အောင်ကျွန်းမီးပြအနီး နစ်မြုပ်သွားသော

“ဆင်ပြောင်”ရေယာဉ်မှ

ကယ်ဆယ်ရရှိ / အလောင်းရ / ပျောက်ဆုံး ဝန်ထမ်းစာရင်း

(၁၄-၂-၂၀၁၉ ရက်နေ့ မွန်းလွဲ ၁၆:၀၀ အချိန်အထိ ရရှိစာရင်း)

ကယ်ဆယ်ရရှိ စာရင်း (၇)ဦး

အလောင်းရရှိ စာရင်း (၁၁)ဦး

ပျောက်ဆုံးဆဲစာရင်း (၈)ဦး