၄-၃-၂၀၁၉ ရက်နေ့၊ နံနက် (၁၀:၃၀) အချိန်ခန့်တွင် ရခိုင်ပြည်နယ်၊ နံ့သာကျွန်း ကမ်းစပ်တွင် အမျိုးသား Dead Body တစ်ခုတွေ့ရှိထားကြောင်း သတင်းနှင့်ဓာတ်ပုံ မှတ်တမ်း ပေးပို့လာသဖြင့် စိစစ်ရာ “ဆင်ပြောင်” ရေယာဉ်နစ်မြုပ်စဉ်၌ ပျောက်ဆုံးနေသော ဦးမျိုးမင်းထွန်း၊ ပုဂ္ဂလိက အမှတ်(၃၂၃၃၉)၊ သင်္ဘောသား-၂(စက်) (တတိယအင်ဂျင်နီယာတာဝန်)၏ Dead Body  ဖြစ်ကြောင်း စိစစ်ရရှိပါသည်။

နံ့သာကျွန်းသည် ပင်လယ်ပြင်တွင် သီးခြားတည်ရှိနေသော ကျွန်းဖြစ်ပြီး သွားလာရေးခက်ခဲ သောကြောင့် နယ်မြေခံ လုံခြုံရေး တပ်ဖွဲ့ဝင်များနှင့် ညှိနှိုင်း၍ ၄-၃-၂၀၁၉ ရက်နေ့(၁၆:၀၀) အချိန်တွင် အဆိုပါ ရုပ်အလောင်းကို နံ့သာကျွန်း၌ပင် ဗုဒ္ဓဘာသာဓလေ့ထုံးစံနှင့်အညီ ကောင်းမွန်စွာ မီးသင်္ဂြိုလ် ပြီးစီးခဲ့ပါသည်။

ထို့ကြောင့် “ဆင်ပြောင်”ရေယာဉ်နစ်မြုပ်စဉ် ပျောက်ဆုံးလျက်ရှိသော ရေယာဉ်ဝန်ထမ်း(၁၉)ဦး အနက်၊ ၄.၃.၂၀၁၉ ရက်နေ့အထိ ရေယာဉ်ဝန်ထမ်း(၁၄)ဦးတို့၏ ရုပ်အလောင်းများကို ရှာဖွေတွေ့ရှိခဲ့ပြီး ကျန်ပျောက်ဆုံးဝန်ထမ်း​(၅)ဦးတို့ကို ဆက်လက်ရှာ​ဖွေလျက်ရှိပါကြောင်း သိရှိရပါသည်။

၁၁-၂-၂၀၁၉  ရက်နေ့တွင် မာန်အောင်ကျွန်းမီးပြအနီး နစ်မြုပ်သွားသော “ဆင်ပြောင်”ရေယာဉ်မှ

ကယ်ဆယ်ရရှိ / အလောင်းရ / ပျောက်ဆုံး ဝန်ထမ်းစာရင်း

(၄-၃-၂၀၁၉ ရက်နေ့ ညနေ ၁၈:၀၀ အချိန်အထိ ရရှိစာရင်း)

ကယ်ဆယ်ရရှိ စာရင်း (၇)ဦး

အလောင်းရရှိ စာရင်း (၁၄)ဦး

ပျောက်ဆုံးဆဲစာရင်း (၅)ဦး