၁။ ပို့ဆောင်ရေးနှင့်ဆက်သွယ်ရေးဝန်ကြီးဌာန၊ ပြည်ထောင်စုဝန်ကြီး ဦးသန့်စင်မောင်သည် ၂၀၁၉ ခုနှစ်၊ နိုဝင်ဘာလ (၄) ရက်နေ့၊ ညနေ ပိုင်းတွင် မြန်မာနိုင်ငံဆိုင်ရာ မလေးရှားနိုင်ငံ၊ သံအမတ်ကြီး H.E.Mr. Zahairi Baharim အား နေပြည်တော်၊ ပို့ဆောင်ရေးနှင့် ဆက်သွယ် ရေးဝန်ကြီးဌာန၌ တွေ့ဆုံခဲ့ပါသည်။
၂။ ထိုသို့တွေ့ဆုံရာ၌ ဆိပ်ကမ်းလုပ်ငန်းများ၊ ရထားလုပ်ငန်းများနှင့်စပ်လျဉ်း၍ ဆောင်ရွက်နေမှုများ၊ e-government လုပ်ငန်းဆိုင်ရာများနှင့် နှစ်နိုင်ငံပို့ဆောင်ရေးနှင့်ဆက်သွယ်ရေး ပူးပေါင်းဆောင်ရွက်မှု တိုးမြှင့်ဆောင်ရွက်ရေးဆိုင်ရာများအား အမြင်ချင်းဖလှယ် ဆွေးနွေးခဲ့ ကြပါသည်။
၃။ တွေ့ဆုံပွဲသို့ ပို့ဆောင်ရေးနှင့် ဆက်သွယ်ရေးဝန်ကြီးဌာနမှ ဒုတိယဝန်ကြီး၊ အမြဲတမ်း အတွင်းဝန်နှင့် ဌာနအကြီးအကဲများ တက်ရောက် ခဲ့ကြောင်း သတင်းရရှိပါသည်။