ပို့ဆောင်ရေးနှင့်ဆက်သွယ်ရေးဝန်ကြီးဌာန၊ ပြည်တွင်းရေကြောင်းပို့ဆောင်ရေး၏ ၂၀၁၈-၂၀၁၉ ဘဏ္ဍာရေးနှစ်တွင် အသုံးပြုရန်လိုအပ်သော လုပ်ငန်းသုံးပစ္စည်းများကို သာမန် အသုံးစရိတ်၊ ငွေလုံးငွေရင်းအသုံးစရိတ် (မြန်မာကျပ်ငွေ) တို့ဖြင့် ဝယ်ယူရန် အိတ်ဖွင့်တင်ဒါ အပြိုင်ဈေးနှုန်းလွှာ စိစစ်ပွဲကို (၆.၁၁.၂၀၁၈)ရက်နေ့ (၁၀:၀၀)နာရီ အချိန်တွင် ပြည်တွင်းရေကြောင်းပို့ဆောင်ရေး (ရုံးချုပ်) ကွပ်ကဲခန်းမတွင် ကျင်းပပြုလုပ်ရာ ပြည်တွင်းရေကြောင်းပို့ဆောင်ရေး ဦးဆောင် ညွှန်ကြားရေးမှူး ဦးဇော်ဝင်း၊ လေ့လာသူများအနေဖြင့် ဒဂုံဆိပ်ကမ်းမဲဆန္ဒနယ်မှ ပြည်သူ့ လွှတ်တော် ကိုယ်စားလှယ် ဦးမြစိန် နှင့် ကျောက်တံတားမဲဆန္ဒနယ်မှ တိုင်းဒေသကြီး လွှတ်တော်ကိုယ်စားလှယ် ဒေါ်ကြည်ပြာ၊ တင်ဒါလက်ခံရေးနှင့် စိစစ်ရေးကော်မတီဝင်များ ဖြစ်ကြသည့် ပြည်တွင်းရေကြောင်းပို့ဆောင်ရေး၊ မြန်မာ့ဆိပ်ကမ်းအာဏာပိုင်၊ ရေကြောင်းပို့ဆောင်ရေး ညွှန်ကြားမှုဦးစီးဌာနနှင့် မြန်မာ့သင်္ဘောကျင်းလုပ်ငန်း ဌာနများမှ တာဝန်ရှိသူများ၊ ဖိတ်ကြားထားသူများ၊ အိတ်ဖွင့်တင်ဒါ အပြိုင်ဈေးနှုန်းလွှာ ဝင်ရောက်ယှဉ်ပြိုင်ကြသူများ တက်ရောက်ကြပါသည်။ အဆိုပါ အိတ်ဖွင့်တင်ဒါ အပြိုင်ဈေးနှုန်းလွှာ စိစစ်ပွဲကို (၆.၁၁.၂၀၁၈) ရက်နေ့နှင့် (၉.၁၁.၂၀၁၈)ရက်နေ့တို့တွင် ကျင်းပပြုလုပ်သွားမည်ဖြစ်ကြောင်း သိရသည်။