ပြည်ထောင်စုသမ္မတမြန်မာနိုင်ငံတော်အစိုးရ

ပို့ဆောင်ရေးနှင့်ဆက်သွယ်ရေးဝန်ကြီးဌာန

သတင်းအချက်အလက်နည်းပညာနှင့်ဆိုက်ဘာလုံခြုံရေးဦးစီးဌာန

လျှောက်လွှာခေါ်ယူခြင်း

၁။           ပို့ဆောင်ရေးနှင့်ဆက်သွယ်ရေးဝန်ကြီးဌာန၊ သတင်းအချက်အလက်နည်းပညာနှင့် ဆိုက်ဘာလုံခြုံရေးဦးစီးဌာနတွင် လစ်လပ်လျက်ရှိသော အောက်ပါရာထူးနေရာများအတွက် ယှဉ်တွဲဖော်ပြပါ သတ်မှတ်အရည်အချင်းနှင့်ကိုက်ညီသူများ လျှောက်ထားနိုင်ပါသည် -

၂။       လစ်လပ်ရာထူးနေရာများအတွက် အောက်ပါအချက်အလက်များနှင့်ပြည့်စုံသူများ လျှောက်ထားနိုင်ပါသည် -

          (က) ပြည်ထောင်စုသမ္မတမြန်မာနိုင်ငံသားဖြစ်ရမည်။

          (ခ) လျှောက်ထားသူများသည် ၃၁-၁-၂၀၂၆ ရက်နေ့တွင် အသက် ၃၀ နှစ်ထက်မကျော်လွန်သူ နိုင်ငံ့ဝန်ထမ်းဖြစ်ပါက အသက် ၃၅ နှစ်ထက် မကျော်လွန်သူ ဖြစ်ရမည်။

          (ဂ) ကျန်းမာရေးကောင်းမွန်ပြီး နေရာဒေသမရွေး တာဝန်ထမ်းဆောင်နိုင်သူဖြစ်ရမည်။

          (ဃ) အမှတ်စဉ်(က)မှ (ဇ)အထိ ရာထူးတို့အတွက် ကွန်ပျူတာနှင့်အင်္ဂလိပ်စာ အခြေခံတတ်ကျွမ်းရမည်။

          (င) ရွေးချယ်ခြင်းခံရသူများသည် ဤဦးစီးဌာနတွင် အနည်းဆုံး (၃) နှစ် အမှုထမ်းဆောင်နိုင်ကြောင်းနှင့်တစ်ဆက်တည်း တာဝန်ထမ်းဆောင်ရန် ပျက်ကွက်ပါက ဌာနမှ သတ်မှတ်ထား                        သည့် လျော်ကြေးငွေကိုတစ်လုံးတစ်ခဲတည်းပေးလျော်မည်ဖြစ်ကြောင်း ကိုယ်တိုင်ရေးဝန်ခံကတိပြု လက်မှတ်ရေးထိုးရမည်။

          (စ) အစိုးရဌာနတစ်ခုခု၏ ဝန်ထမ်းအဖြစ်မှ ထုတ်ပစ်ခြင်း၊ ရာထူးမှ ထုတ်ပယ်ခြင်း၊ ရာထူးခန့်ထားခြင်း အမိန့်စာမှပယ်ဖျက်ခံရသူများ လျှောက်ထားခွင့်မရှိပါ။

၃။      လျှောက်လွှာပုံစံများကို ပို့ဆောင်ရေးနှင့်ဆက်သွယ်ရေးဝန်ကြီးဌာန၏ Website ဖြစ်သော www. motc.gov.mm တွင် Download ရယူနိုင်ပါသည်။  (လျှောက်လွှာရောင်းချခြင်း/ ထုတ်ပေးခြင်း မပြုပါ) လျှောက်လွှာနှင့်အတူ အောက်ဖော်ပြပါ အချက်အလက်များ ပြည့်စုံစွာပါရှိရမည် -

          (က) ပညာအရည်အချင်းအထောက်အထားမိတ္တူမှန်။ (စာမေးပွဲဖြေဆိုသည့်အခါ ဘွဲ့လက်မှတ်၊ ၁၀ တန်းအောင်လက်မှတ် မူရင်းတင်ပြနိုင်ရမည်။)

          (ခ) နိုင်ငံသားစိစစ်ရေးကတ်ပြားမိတ္တူ။ (ဖြေဆိုခွင့်ကတ်ပြားထုတ်ယူချိန်တွင် မူရင်းတင်ပြနိုင်ရမည်။)

          (ဂ) အိမ်ထောင်စုလူဦးရေစာရင်းပုံစံ (၆၆/၆) မိတ္တူ။

          (ဃ) ပြစ်မှုကင်းရှင်းကြောင်း သက်ဆိုင်ရာ ရဲစခန်း၏ ထောက်ခံစာမူရင်း။ (တစ်လအတွင်း)

          (င) လိပ်စာဖော်ပြပါဒေသတွင် အမှန်တကယ်နေထိုင်ကြောင်းနှင့် အကျင့်စာရိတ္တကောင်းမွန်ကြောင်း ရက်ကွက်/ ကျေးရွာအုပ်ချုပ်ရေးမှူး၏ ထောက်ခံစာမူရင်း။ (တစ်လအတွင်း)

          (စ) တစ်လအတွင်း ရိုက်ကူးထားသော ရောင်စုံလိုင်စင်ဓာတ်ပုံ(၃)ပုံ။

                 (ကျောဘက်တွင် အမည်၊ နိုင်ငံသားစိစစ်ရေးကတ်အမှတ်ရေးရမည်။)

          (ဆ) ဝန်ထမ်းမဟုတ်သူများအတွက် သက်တမ်းရှိသော အလုပ်သမားမှတ်ပုံတင်ကတ်ပြားမိတ္တူ။ (ဖြေဆိုခွင့်ကတ်ပြားထုတ်ယူချိန်တွင် မူရင်းတင်ပြနိုင်ရမည်။ အလုပ်သမားရုံး                                    အမည်ပါဝင်ရမည်။                                                                                                      

          (ဇ) ဒေသန္တရကျန်းမာရေးအဖွဲ့၏ ကျန်းမာရေးစစ်ဆေးချက်မူရင်းပါဝင်ရမည်။

          (ဈ) နိုင်ငံ့ဝန်ထမ်းဖြစ်ပါက သက်ဆိုင်ရာဝန်ကြီးဌာန၏ ခွင့်ပြုချက်မူရင်းနှင့် ဌာနဆိုင်ရာပြစ်မှု ကင်းရှင်းကြောင်း ထောက်ခံချက်မူရင်း။

          (ည) ပြင်ပပုဂ္ဂိုလ်များအနေဖြင့် နိုင်ငံ့ဝန်ထမ်းအဖြစ် လုပ်ကိုင်ခဲ့ဖူးခြင်းမရှိကြောင်းနှင့် အပြစ်ပေး အရေးယူခံရခြင်းမရှိကြောင်း ကိုယ်တိုင်ဝန်ခံချက်။

           (ဋ) စာမေးပွဲဝင်ကြေးငွေ ကျပ် ၂၀၀၀/- ပေးသွင်းထားသည့် ချလန်မူရင်း။

၄။      လျှောက်ထားသူများသည် စာမေးပွဲဝင်ကြေး ကျပ် ၂၀၀၀/- ကို နီးစပ်ရာတိုင်းဒေသကြီး/ပြည်နယ် မြန်မာ့စီးပွားရေးဘဏ်မှတစ်ဆင့် နေပြည်တော် မြန်မာ့စီးပွားရေးဘဏ်ရှိ သတင်းအချက်အလက်နည်းပညာနှင့်ဆိုက်ဘာလုံခြုံရေးဦးစီးဌာန၊ ငွေစာရင်းအမှတ်၊ MD-013318 သို့ ပေးသွင်းရမည်။

၅။      လျှောက်လွှာများ တင်သွင်းရာတွင် ညွှန်ကြားရေးမှူးချုပ်၊ သတင်းအချက်အလက်နည်းပညာနှင့် ဆိုက်ဘာလုံခြုံရေးဦးစီးဌာန၊ ရုံးအမှတ်(၂)၊ နေပြည်တော်သို့ လိပ်စာတပ်ပြီး လူကိုယ်တိုင်လာရောက်၍သော်လည်းကောင်း ၊ စာတိုက်မှ မှတ်ပုံတင်ပြုလုပ်၍ ၁၈ - ၂ -၂၀၂၆ ရက်နေ့ (ရုံးချိန်အတွင်း) အရောက် ပေးပို့လျှောက်ထားရမည်။

၆။      သတ်မှတ်ထားသည့် စာရွက်စာတမ်းမပြည့်စုံလျင်သော်လည်းကောင်း၊ သတ်မှတ်ထားသောရက် ထက် နောက်ကျရောက်ရှိလျှင်သော်လည်းကောင်း လျှောက်လွှာများကို လက်ခံစဉ်းစားမည် မဟုတ်ပါ။

၇။      လျှောက်ထားသူများအနေဖြင့် ရေးဖြေစာမေးပွဲတွင် မြန်မာစာ၊ အင်္ဂလိပ်စာ၊ အထွေထွေဗဟုသုတ ဘာသာရပ်များကို ၂ နာရီမေးခွန်း ဖြေဆိုရမည်ဖြစ်ပြီး ရေးဖြေစာမေးပွဲအောင်မြင်သူများကို လူတွေ့စစ်ဆေး ဆောင်ရွက်သွားမည်ဖြစ်ပါသည်။ ရေးဖြေစာမေးပွဲကို နေပြည်တော်တွင် ကျင်းပပြုလုပ်သွားမည်ဖြစ်ပြီး စာမေးပွဲဖြေဆိုခွင့်ကတ်ပြားထုတ်ယူရမည့် နေ့၊ ရက်နှင့် ကျင်းပမည့် နေ့၊ ရက်၊ အချိန်၊ နေရာ၊ စာမေးပွဲ ဝင်ရောက်ဖြေဆိုခွင့်ရရှိသူ အမည်စာရင်း၊ ခုံအမှတ်စာရင်း နှင့် ရေးဖြေစာမေးပွဲအောင်မြင်သူများ၏ အမည် စာရင်းများအား အထက်ပါ အင်တာနက်စာမျက်နှာတွင် ကြိုတင်ကြေညာပေးသွားမည် ဖြစ်ပါသည်။

၈။      အသေးစိတ်သိရှိလိုပါက နေပြည်တော်၊ သတင်းအချက်အလက်နည်းပညာနှင့်ဆိုက်ဘာလုံခြုံရေး ဦးစီးဌာန(စီမံ)၊ ဖုန်းနံပါတ် - ၀၆၇-၃၄၀၇၇၁၇ သို့ ရုံးချိန်အတွင်း ဆက်သွယ်မေးမြန်းစုံစမ်းနိုင်ပါသည်။

                                             သတင်းအချက်အလက်နည်းပညာနှင့်ဆိုက်ဘာလုံခြုံရေးဦးစီးဌာန